جولدن براون نفى انه يتناول الادوية المضادة للاحباط! والتي حسب الاشاعات يتناولها براون لكي يتغلب على الضغوطات التي يتعرض لها في " عمله"...وبدكو الصراحة انا مصدقه للزلمة, يعني لشو الاحباط والضغط وهو رئيس حكومة بيج بن وكلشي فيها ماشي على التكة يعني يشوف الملوك والدكتاتوريين العرب والهموم اللي فوق روسهن ... وما في ولا واحد منهن بيعرف منظر حبة " البروزاك" ولا شو لون حبة " تسيبرلكس". بدون حسد طبعا وهاد مش بفضل دعوات الختياريات المعترات وقت زيارة الرايس لشي بلد باخر الدنيا... لا يا جماعة هاد كلة لانه دكاتترنا العرب ولا على بالهن
وشو يعني اذا مصر اصبحت بلد المليون فقير وسوريا بلد المليون عاطل عن العمل, والخليج العربي اكبر بيت دعارة في العالم, ومشاكل الكهربا والطائفية في لبنان, وانتو مش غشيمين شو بيصير في العالم العربي... مش قصدي اغم بالكو وافتح مواجع, فيعني لو في حدا لازم يوخد بروزاك فهن الرؤساء العرب مش غولدن براون ولا غيره! فازمة العراق والجنود البريطانيين في العراق مش رح تكون مقلقة لبراون اكثر من المالكي,او ظاهرة المهاجرين فب بريطانيا مش رح تكون اصعب على براون من ما هي على ميشال سليمان او على ابو كل قضية اللجوء محمود عباس...
فيعني حتى لو كانت هالاشاعات مزبوطة , صدقني مش محوجة خيا براون. واللي بيشوف مصيبة غيره بيتهون علية مصيبته, تعال تفرج علينا يا سبب مصايبنا وشوف كيف رح تخف
المشاركات
