تسعه وخمسين عاما مضى وما زالت فلسطين تأتي الينا في الاحلام خلسه كالعشيقه التى تسترق الخطوات ليلا في طريقها الى اللقاء السري مع الحبيب
تسعه وخمسين عاما مضى والارض وقد اصبحت الارض كالعجوز.. اقل خصوبه وثقل سمعها ، نناديها لا تستجيب.
تسعه وخمسين عاما مضى والعرب ذات العرب ، اليهود ذات اليهود ولكن الاسماء تتغير
تسعه وخمسين عام مضى ونهر الاردن يجري بعنف الى ان يموت في امتزاجه الازلي مع بحر الميت
تسعه وخمسين عاما مضى واطفال فلسطين يولدون رجال ونساء , يمارسون الطفوله فقط في حملات التطعيم
تسعه وخمسين عاما مضى وجدتي تصلي
تسعه وخمسين عاما مضى والمئاذن تركع للجرافات
تسعه وخمسين عاما مضى ولم تقرع اجراس الكنيسه
تسعه وخمسين عاما مضى ونحن ننتظر المسيح المخلص او المهدي او حتى ساعي بريد يأتينا بالبشاره
تسعه وخمسين عاما مضى ونحن نبحث من اين نبدأ البحث
المشاركات
هناك 15 تعليقًا:
مرحبا ابراهيم
انا دخلت عندك ولقيت نفس موضوعي وهو حلو كثير وانت عرفت تعبر عن الكلمات اللي كنت بدي قولها ولكن اليوم ما كان لي مزاج اشرح علشان هيك اختصرت وتسألت
مدونتك حلوة وكمان موقع المتشائل
هل هو لك؟
تحياتي
اسفة اني بدي احكي هالجملة, بس مش قادرة, وبقدر اعتذارك بعدم معرفتك قواعد اللغة العربية
بس..
تسع وخمسون عاما!
ارتحت اسا :P
تسع وخمسون عاما من التشبث بحبل الامل الذي لن ينقطع ما دام فينا قلب ينبض فلسطين
:)
يعني شو, على الاقل بنعرف نعدّ
:)
ياسمينه
اهلا وسهلا بك في المدونه..شكرا لتعليقك, ليس صدفه انا نكتب عن نفس الموضوع ما دام الجرح واحد فالقلم واحد بالنسبه لموقع لموقع الصور, فهذا الموقع لي ايضا .
عجبك ؟
*****
الجليليه
والله انه معلمه العربي كانت حلوه كتير ولخمتني لخم يعني نشكر الله اني تعلمت الابجديه من قبل عند ست عفاف. طيب شو القاعده للاعداد؟
بس على فكره انا كنت حاسس انه تسع وخمسون بس قلت لحالي انه تسع وخمسون ما تسع كل الوجع,
شكرا كتير على التصحيح واهم اشي انك ارتحتي :)
*****
بكريه
النكبه علمتنا نضرب أخماس بأسداس
تسعة وخمسين عام من النضال المشرف
تسعة وخمسين عام شرف
تسعة وخمسين عام مقاومة
تسعة وخمسين عام كرامة
تسعة وخمسين عام فدائيين
تسعة وخمسين عام تاريخ مشرف
تسعة وخمسين عام شهداء
تسعة وخمسين عام عنفوان
تسعة وخمسين عام وقوف مشرف بوجه العالم
.
.
.
.
.
.
ارفع راسك انت فلسطيني
ارفع راسك انت فلسطيني
!!!يا نيالي
: )
عبد
هاد الجانب الايجابي والذي يدعو الى التفائل من النكبه؟
****
احمر
بلا حسد
لا
هو ليس جانب ايجابي ولا سلبي...
هو واقع
وتاريخ سيبقى خالد للأبد
هههههه قال ولاد بدها تتعلم وبتتطلع علبمعلمات!!
طب شوف يا سيدي: عاما مذكر, يستعمل معه الاعداد المؤنثة.
لو كانت سنة, كان قلنا تسعة وخمسون سنة
انا مش بتاعت تعليم وتفهيم .. فا نصيحة تروح تراجع كتاب القواعد تبع صف الحادي عشر او الثاني عشر
aah sa7ee7 abl ma ansa
shofet enk mn Hapoeil Tel-Aviv fans, m3 men r7 tkoon yom eltholatha ? :P
عبد
ما تيأسني يا زلمه ! للأبد بدنا نضل مناضلين وما نذوق طعم الحريه؟
*****
منى الجليليه
شكرا كتيرا على المعلومه
الاولاد بدها تتعلم بس مش لما المعلمه بتيجي فستان سهره
وبالنسبه لهبوعيل تل ابيب
طبعا انا بشجعهم دايما وابدا
وترقبي شي بوست عن الفوتبول بتمنى انك تخسري يوم
التلاتا
منيح الي قلت بتمنى مش اكيد.. بعد المهزلة مبارح اشك .. لا دفاع ولا حارس مرمى !
بترقب ليش لا : )
ابراهيم:
كل شيءله بداية, وله نهاية..
مافي حرب دامت للأبد, ومافي شعب انمسح للأبد..دائما الاوضاع بتغيير عبر التاريخ...حتى ولو طال الامد...
اقرأ...
http://news.bbc.co.uk/hi/arabic/middle_east_news/newsid_6595000/6595781.stm
te7kesh m3e :(
:P
إرسال تعليق