you will never walk alone

اخيرا رح نلتقي ! استنيت كتير هالموعد.... وراحت مني فرص حلوه انه نلتقي بس مش مهم, المهم انه رح اشوفك.

اخيراً رح نلتقي ! نتعانق نصهل نصرخ انا والاف من اصحابي...من متعه هذا اللقاء

اخيراً رح نلتقي! بدي البس احمر زيك لسرعه الاندماج وعلشان ما يميزونا عن بعض
اخيراً رح نلتقي! ورح اغنيلك "... مش رح اتركك تمشي لحالك"
اخيراً رح نلتقي! بعد ان ترقبتك كثير وشفت كل حركاتك وطلعاتك ونزلاتك
اخيراً رح نلتقي ! لمسافه اقرب من انك تكوني صوره على الحيط
اخيرا رح نلتقي ! من بعد ما حلمت فيكي وناقشت الكل انك الافضل على الاقل بالنسبه الي

اخيرا رح نلتقي ! وشو كنت حابب ابوي يكون معي علشان هو كمان حابب يشوفك لانه الصراحه هو اللي حببني فيكي
اخيراً رح نلتقي ! انا رح اجيب المكسرات والبيره وباقي الجو عليكي
اخيراً رح نلتقي! وبتمنى انك ما تخذليني ضربه وحده جوا الشبك بتكفيني علشان استمتع باللقاء
اخيراً رح نلتقي! وعن غير عادتي رح اخرف كل اصحابي واصحاب اصحبهن انه التقينا
رح اخرف ادق التفاصيل
اخيراً رح نلتقي ! واخيرا رح اشوف لعب فوتبول لليفربول فريقي المفضل...وانشالله انه منغلب...