اسمع يا رضا

بعد السلام والإطمئنان على صحتكم وعافيتكم وعلى قائمه مشترياتك اليوميه واتمنى ان يكون حضره جنابكم قد بدأ نهاره كالعاده في نادي اللياقه البدنيه في بلد سيدنا علي (أطع لساني) اقصد في هرتسليا عند صديقك الحميم حاييم خريج وحدات الكومندو البحري ( اه يا راجل هم نفسهم اللي نكتوهم في السويس واللي ناكهم الشيخ في راس الناقوره ,فاكر؟! يا راجل هم دم دوول اللي ناكونا في غزه ! اكيد افتكرت ودي حاجه تعدي ؟؟!). واتمنى انه ازمه السير في تل ابيب ما تكونش اخرتك على الاسبرسو مع رجال الاعمال في الشيراتون (اه ايوا دول الطيارجيه بتوع مصنع الاثاث! الله؟ انت متعرفش انهم طيارجيه يا رضا؟ وده حاجة تفووو..تك يا رضا؟ دول بين اسبرسو واسبرسو مع حضرتك ينيلو غزه !! مخلاص ما اديتهم كلمه بخصوص التسهيلات .. وينفع ايه دل الوئتي انك عرفت؟ حتسحب التسهيلات منهم ميصحش برضو... يئولو عليك إيه يا رضا؟ يئولو انك رجعت في كلامك يا رضا

اوعى يكون فاتك الغدا مع يوسي بخصوص الغاز المصري... وما تنحش إديه برضه تسهيلات ما انتى عارف إسرائيل في حالة حرب وحتليئها منين ولا منين يا حسره... وانتى برضو لسه جديد واكيد الشباب عملو الواجب وخدو بالهم منك!

وانت ما أولتليش يا رضا هو انت رحت تزور المتحف بتاع ذكرى الكارسه والبطولة؟ بطولة اية ؟ ده سؤال يا رضا حيكون اية بطولة اية يعني تنس طاولة؟.. بطولة احترق واحصل على دولة تحرق فيها... أه زرتها طيب كويس! وايه كان انطباعك عن زيارتك للاشقاء العرب اللي بيحترئو وهم عايشين ؟... لسه ما رحتش؟ معلش برضو اكيد لموأخزه حضرتك مشغول بالاحاث الساخنه في المنطئه...المنطئه الساخنه يا جامد انتى يا رضا...
اسمع يا رضا... أبل ما أروح اتخمد انام كنت عاوز أوصيك حاجه رغم إني متاكد انك مش عاوز مين يوصيك وخصوصا انك حريص وغيور على العلاقات الاسرائيليه المصريه...انا عاوزك تبلغ الرايس بتاعك وبتاعك انت بس وحماده ابو الغيط مش برضه انتى بتنهدله كده رغم انك تلميذه... المهم بلغهم ان الاسرائيلين مبسوطين منهم أوي أوي وعينك بالناظر...ويعني لولا ابو الغيط وسيادته كان ما إتئتلش يا دوب 100 -150 فلسطيني...من دول بتوع حماس .. هو مش حتفرء كتير يعني المهم بفضل جهودكم المشكورين عليها كان في تشكيله واسعه من اللي إتئتلو ... كان في اطفال... هو انت مبتحبش الاطفال ؟ الله ؟ولا ابو الغيط؟ يا راجل !! طيب اكيد مبارك بيحب الاطفال , ولا سوزان؟؟! غريبه الحاجه دي فاتتني ازاي؟ طب بلاش اطفال..هم مزعجين فعلا....طب ده كان في مدنيين وناس غلابه.. عندكو كتير منهم وانتى عارفهم ناس تجري ورا اكل عيشها بكرامه و... يعني ايه كرامه؟ اه هو انت نسيت العربي بس جيت تل ابيب؟ اه نسيت الكرامه!
انت منسيتش انت بس بتستعبط...
انا رائي انك توخد هدومك والست الهانم وتروح المحله وهناك يعلموك الكرامه...بمناسبه الست الهانم دي شكلها وحش خالص وهي بتخرج من الجيم باللبس السبور على لون خرائي زي وش حضرتك...وبس دي الوئتي فهمت انتو ليه بتيجو الجيم كل واحد على حدا...
متيا الله روح حتفضل هنا كتير ؟