حاجز بيت حانون ،مظاهره لفلسطينيو الداخل , لمناصره اهل غزه في محنتهم وارسال المعونات الطبيه والتموينيه. تحت شعار فك الحصار عن اهلنا في غز. طلب منظمو المظاهره عدم رفع اي علم , حتى علم فلسطين والاكتفاء بترديد الشعارات من بعد المنادي
وبعد احتجاج المتظاهرين على هذا الاملاء... اتفق ان لا يتم رفع اي علم حزبي....
روعه حل مقبول على جميع الاطراف. وانطلقت المظاهره , حمل كل منا طحيناتو وعلمه وردد الشعارات الوطنيه الرنانه.. هي ذاتها منذ 60 عاماً.وقد شارك في المظاهره شباب انارخيست رافعون علم الانرخيا الى جانب علم فلسطين... اليكم الحديث التالي بين عصام مخول عضو البرلمان السابق عن الحزب الشيوعي, وعلى رأسه قبعه GAP من العن رموز العولمه والرأسماليه وبين احد المتاظاهرين الذي يرفع علم الفوضويين...
عصام: احنا طلبنا بدون اعلام حزبيه
الانرخيست: علمنا مش حزبي
عصام: ما يكون منطلب منك تنزل العلم
الانرخيست: انتي بتحكي نفس الحكي اللي حكولي اياه الجنود والبوليس... بعدين خلي شباب الحزب الشيوعي ينزلو العلم الاحمر بالاول
وانتهت المظاهره بالخطابات الطنانه والنقاش العام وقضيه الساعه رفع العلم وتنزيله...انسهل العلم قد ما طلع ونزل
المشاركات
هناك 3 تعليقات:
انا ما اليش اشي ضد الجبهه يعني
بس يعني كأني مش متفاجئه انه الاستاذ لابس طقية "جاب" واضح انها جايبتله الحظ
مش هاد عصام مخول اللي اولاده بتعلموا في مدارس يهوديه كمان؟ منتي عارف تعايش وانخراط بحجة تسهيل الحصول على مطالبنا
اسمع
بشرفك تفتحش بابك على الجبهه.
على الصعيد الطلابي، وصلتني نشرة مؤخرا عن السكن الجديد هون، قرية الطلاب، وبما انه غالي يعني وشوي برجوازي وهيك بنايات جديده،
المهم، في النشره بحكوا عن الطبقيه وعن وعن ومن كل هالحكي، يا أخي نص الكادر عندهم ساكنين هون!!!
الاشي الوحيد اللي بوجع في موضوع هاد السكن واللي ما انذكر هو انه المشروع انبنى على اراضي مصادره لأهالي قرية لفتا المهجره واللي شوي من أصحابها ساكنين مترين بعيد من هون. شوف التعاسه يعني.
انه يعني حضرتك لسا ما حطيت اعلان اذا كانت مدونتك بتقبل المسبات والكفرات بس ...
طيب كون بخير
:)
برضو احزاب واعلام؟كنت بحسب انو العهر الحزبي هادا صناعة غزاوية بإمتياز
عموما بحب اقول في النهاية
يا اخي احا
عفوا بس سؤال: ما هو الانرخيست ؟
وبالنسبة للمظاهرة مستحيل تطلع مظاهرة بدون اعلام حزبية لانه كل الاحزاب بتشتغل تحت شعار "الوطن في سبيل الحزب " وليس " الحزب لمصلحة الوطن "
تحياتي
إرسال تعليق