كبيسه

للتذكير فقط هالسنه سنه كبيسه... عنا كمان يوم يعني كمان 24 ساعه زياده.... ياه شو انا بحاجه للوقت اكتر اشي ناقصني وقت. واللي بيعرفني بسمعها كتير مني فش عندي وقت اكثر جمله بقولها بعد جمله انا بوكلش بصل بالطبيخ.

يعني عندي فرصه انه اغسل السياره لانها عفنت... او اشتري بسكليت علشان فوتت بجزء هوس الحفاظ على الصحه واللياقه البدنيه بعدما قضيت الجزء السابق بممارسه رياضه مشاهده لعب الفوتبول على التلفزيون والقفز عاليا على جوال برشلونه او رمي الفوطه على التلفزيون اثناء تصريحات الزعما العرب في نشره الاخبار .او اذهب الى قريه جمزو المهجره لالتقط بعض الصور لما تبقى من اثار القريه وارسلها الى صديقي محمود الجمزاوي في مهجره...او ان اتفرغ لقرائه احدى عشره دقيقه لباولو كويليو... ولازم اصور ستي وهي تحكي عن تهجيرها من قريه المجيدل فبل ما ستي تخرفن او تموت... انا عارف مليون شغله مقصر فيها ولازم اعملها ومعي هالفرصه.

بس التعريصه انه اخوات الشرموطه مش رح يعطوني هاي الفرصه... رح يكون عندهم كمان يوم لقتل المزيد من الفلسطينيه حتى يحسنوا احصائياتهن. ويرفعو المعدل...وبهيك رح يزيد معدل التظاهرات الاحتجاجيه... او اني اقعد وقت اكتر على خازوق الاخبار وارمي الفوَط. ولا كأني غيرت اشي ولا كأني كان معي24 ساعه زياده

اي بلا منو هاليوم لانه رح يكون كمان يوم عليك واحنا مش ناقصنا

بلا كبيسه بلا بطيخ بدي امشي هاي السنه على التقويم الهجري او الصيني