30.3.08

Peter Tosh - Equal Rights

مظاهر التظاهر وحتى تظاهرات المظاهر تثلج قلبي بشكل عام , فهذا الرد الطبيعي على اي شكل من اشكال الاحتلال والظلم والاذلال... ولكن في الفتره الاخيره مع ازدياد قرف وزعرنه الاحتلال لاحظت في كثير من المظاهرات المناهضه للإحتلال في الوسط العربي , رفع شعارات تنادي بالسلام, يحرق سما هالشغله اراضي بتتصادر , ناس بتموت بغض النظر عن كونهن مواطنين عزل او مقاتلين اولاد 5 سنين... وبترفعوا شعارات نعم للسلام...وابو علاء بيشوف انه هذا افضل وقت للمفاوضات السلميه.. اي حلو عنا ياه...



الى احد الرفاق الذي ذهل وهو يسمعني اصرخ لا للسلام .. اهدي هذه الاغنيه

19.3.08

حكي

هي: بس فهمني شو ناقصني؟
هو: مش ناقصك إشي, بس انه احلامك اكبر من طاقتي!
هي: بتنازل عن احلامي
هو: شو بدي فيكي بلا احلام؟؟!

10.3.08

ضمير غائب

من هنا تبدأ الهزيمه!

متل ما كلكو بتعرفوا اني حمار بقواعد العربي! بس على الرغم من اني حمار ومن المفروض كوني حمار ان اؤمن بالمسلمات! بس في كم شغله بتحييرني وهي " الضمائر والتصريف" يعني من قبل ما تعلمت اجمع شي 5 احرف بكلمه وحده تعلمنا انه هو هي هم ضمائر غايبه " هو ضرب", او هو زرع او هو ابصر وين راح, هو ابصر شو عمل " هو ابصر مع بنت مين طلع او هو ركب كاديلاك! او هي طلعت، هي نزلت ...
طيب احنا مالنا ومال العالم! يتشحرو! المهم تقنعوني انه كيف" نحن" مش ضمير غائب !!

7.3.08

عاشت !


التي تهرس البطاطا

بإمكانها ان تهرس الكثير من عقول البطاطا

1.3.08

عن السنه الكبيسه حكينا ؟! حكينا , على الرغم انه في وحده طقعتلي بهاد اليوم..
. بس اسرائيل اشطر مني استغلت هذا اليوم وما ضيعت ولا دقيقه...وقتلت بدم بارد عدد من الفلسطينيين.. للاحصاء فقط