22/5/61 ن.
ذات البار الصغير, ثلث جولدستار اخر ربما كان الثالث , وعلى شاشة الLCD العريضة الجديدة, مانشستر يونايتد يحقق التعادل في الوقت الضائع , كم كان ذلك واضح , هدف التعادل قريب, عندما رفع الحكم الرابع الشارة الاكترونية مشيرا الى 4 دقائق اضافية, ايقن كل من يتابع المباراة ان مانشستر ارخت اللجام وتركت الحصان يسترد ماء الوجه.
وهي فرصة لكي احرر ما في مسالكي البولية من ماء , اترجل من على كرسي البار الذي يعلو خاصرتي , اتحسس ركبتي ان كانتا مكانهما فبالكاد شعرت بوجودهما, اشعر ان الطريق الى المرحاض مظلم وطويل, مشيت فوصلت, الباب المغلق, احدهن سبقني, فرصة كي اركي ظهري على الحائط وامامي بوستر لفتاة جملية . تمعنت بها بكل ما املك طاقة رؤية ليحجب بيني وبينها شاب يلبس قميص ابيض وربطة عنق سوادء خرج من المرحاض وهو يحاول ان يرتدي سترته السوادء ,لادخل مباشرة من بعده, انزلت غطاء كرسي المرحاض وجلست ارسل البول مطرطراً واسترسل افكاري بتلك الفتاه التي بالاعلان, فانا على ثقة إني قرأت كلمة هاغ, معقول؟ وهل هذة الفتاة هي تسيبي ليفني؟ اكيد! فقد كانت شقراء ذات عيون جميلة ووقحة. اه يا عمي معقول , مهو الفلسطينية اتشكو على اسرائيل للمحكمة الدولية في هاج... يا سلام ما احلى الدنيا لما الواحد ينقطع عن الاخبار كم يوم زي كأنة بيعطى شنص للاخبار تتحسن وكأنة انا وشنصي الخرا ناحسين هالاخبار... يا سلام من زمان ما شعرت بهيك لذة يا هيك البول يا بلاش! نزلت السيفون فعلي اعود بسرعة الى قاعة المحكمة.
رجعت محلي من هون شايف صلعة موفاز, اشكنازي عرفتة من بدلة الجيش, عليها كتير نجوم, وهاد اللي حدو بينكي زوأرتس, تبع منطقة الجنوب, وحدو ايزنبرغ تبع غزة...بس شو هالقاضي اللي شعرو طويل وكل شوي بيفتح ملف من الارشيف الصاخب اللي وراه ويناول المتهمين عينة من الملفات, وكل واحد منهن بس يطّلع على الملف بيتاملو وبيستشير اللي حواليه وبيضحكو كلهن, اكيد بيضحكو على الخازوق اللي رح يوكلوه... يعني بيضحكو من البلوة , وقاعة المحكمة ليش هيك عتمة؟ اه معقول علشان الصحافة ما تصور وحتى بالسرقة برضة المحاكم الها احترامها, وعلى ذكر الاحترام يا هيك المحاكم يا بلاش, لكل مجموعة من اللي قاعدين في مستشار او مستشارة قضائية, وكل مستشارة بتقدم عرض بقضي عليك... يحرق عرضهن! 
صاحبي قعد حدي وبيحكيلي شفت البوستر تبع دعاية هوغو بوس..؟ شلخة صح؟
-بوستر مين خيا؟ البوستر اللي عند الحمام مش لتسي..
** الصورة بالتصرف
المشاركات
