في السوق

من ايقاعات السوق, وقع على مسمعي الحديث التالي
رومانسيه سوقيه
صبيه جميله في مطلع العشرينات تسأل صاحب بسطه للزينه والحلى...
- بدي سلسله بحروف اسمي... شو في عندك اشي حلو؟
يجيبها الشاب بلهفه
- انا ممكن اكتب اسمك على المعكرونه او على الرز ازا ما بتحبي المعكرونه
- لا انا ممنوعه عن النشويات.


الايقاع الثاني

السوق الحره
هي: بدي عملات فلسطينيه قديمه
التاجر: والله ما في , بس عندي تشكيله واسعه من العملات الاوروبيه ومن شرق اسيا
هي: لا لا بدي اي عمله فلسطينيه
التاجر: لا والله ما ضل عندي. في عليها طلب كبير.
هي: شوووو يعني هيك صارت العمله الفلسطينيه اقوى عمله بالسوق