سؤال بيحيرني من زمان! ليش في جميع الامسيات, الندوات, الحفلات و المعارض والعروض اللي بتنظمها جهات , جمعيات, او حركات اشتراكية , يسارية, شيوعية او تحررية...الخ يساراً . بيكون مكتوب في ذيل الدعوة على اليسار تحديداً ثمن التذكرة اللي عادة ما بيتعدى ال8$ وبجانب المبلغ الجملة التعذرية " لتغطية التكاليف" ؟ شو القصد من ورا هالجملة؟! مهو طبيعي انه السهرة بتكلف... والساوند بدو مصاري وأجرة القاعة والورد الاحمر.... الخ يميناً.
يعني معقول بيقصدوا, من شان اللة ما تواخذونا, الاتحاد السوفييتي من زمان ما بعث مصاري والحالة تعبانة, وانشاللة رب العالمين بس الاتحاد السوفييتي يبعث مصاري رح نعوضكوا بحفلا اخلا بخلا وببلاش كمان.
او انه كما هو معروف للجميع ان الرفاق على الجنط ولا شلن معاهن واعلنوا افلاسهن النضالي , فلم يتبقى لهم الا شباك التذاكر ساحة معركة او بالاحرى ام المعارك.
سبب اخر جاء من شباك تذاكر الحزب الشيوعي الاسرائيلي انه كل رفيق تعلم محاماة في موسكو او بلغاريا على حساب الحزب بدو يفهم قانونية ثمن التذكرة... وكذلك الامر بالنسبة للرفاق خريجي كليات المحاسبة والاقتصاد.
وقد تكون هذة الجملة خوفا من يقوم الافتراضي بتصميم بوستر مضاد في حالة انه لم يجد تذاكر او في اي حالة اخرى
ولربما السبب هو انتقال الرفاق الى مبدئية انا صاحب خليل... وبيفوتوا ببلاش... محتار انا
المشاركات
هناك 4 تعليقات:
الأنكى إنو على الرغم من إنك بتدفع المعلوم للحزب عشان يدفع للساوند مان.. دايما في مشاكل بالساوند
:))
::
واللابتوب، غالبا، بتخلص بطاريتو وبتكتشف إنو نسيت تجيب الشاحن
والمسلّط الضوئي بيحمى..
وبتيجي بنت بالغلط بتزحلط بأسلاك الكهربا ورب ربك ما بيرجع يشبّك الكوابل من أول وجديد
وبالآخر بتيجيك إيريس بالإجتماع وبتقول إنو الأمسية كانت ناجحة
أو بييجيك عصام مخول وبيقول إن الأمسية فشلت لأن البنت اللي تزحلطت بالكوابل مدسوسة من التجمّع
يعني مش بالصدفة الرفاق صار معهن مصاري يرحوا يحضروا امسيات سقافية بالسيتي هول
البنت الي تزحلطت برضو يتتزحلط بمهرجانات التجمع
جهات اجنبية خيا
خيا زفت... الخرى منا وفينا والجهات الاجنبية بس بتطقس علينا وبتعمل دواوين
إرسال تعليق