٣٠.٨.١٠

تجار السوء

سوق الناصرة القديم , العشر الاواخر من اب اللهاب, حر شديد جدا, بياعين خضرة , بياعين ملابس داخلية, ضغط نصراوي كلاسيكي, يلا يا عمي يلا...
علي , كل اولاد السوق بيعرفوه , اشتغل بكل البسطات,تخبى في كل الزواريب , لعب في كل البيوت المهجورة ووقع على كل الدرجات.
لبس احلى اواعي عنده...وراح علشان يقبض اجرة شهرين اشتغلهن في نقل الخضرة من السيارة اول السوق لحد محل الخضرة القريب من محلات الذهب.
بيزق كلشي وعلى السكت ما عندو اي تحفظات ضد اي نوع خضرة ولا نوع فواكة وما بيفكر كتير اذا كانت البندورة خضرة ولا فواكة المهم يزقها.
ناصر الخضرجي, اشبه برجال المافيا , اصلع, سلاسل ذهبية وخواتم من ذهب وشم النسر على ذراعه اليمنى... انتي كم يوم اشتغلت؟ ... مسجل عندي 54 يوم صح...؟ اخذت على الحساب 50 شيكل
وانا عملت مثل ما قلتلي اوفرك اياهن لاخر العطلة علشان تشتري كتب وتساعد اهلك, وهاي 550 شيكل...زدتلك 40 شيكل... هيك بدي اياك تكون زلمة...ويكون عندك مسؤولية...
علي صامت...
ولمن يريد ان يعرف قيمة الشيكل فليبحث في غوغل

ليست هناك تعليقات: