بالمناسبة حب

بعض التعليقات والبوستات التي كانت في الفترة الأخيرة ذكرتني بالحب او بالأحرى بحملة سلكوم " هيك لما نحب". سلكوم شركة اتصالات خلوية طلعت بحملة دعائية وتروجية..." هيك لما نحب" ويا هيك الحب يا بلاش...بالحب على طريقة سلكوم بتوقع على شي اتفاقيه من 6-7 صفحات بتوقعها وانتي مبسوط وكأنه ابو زيد جوز خالتك... وإنك حليت كل مشاكلك بهالتوقيع... محداش بيتعلم من اوسلو..
"هيك لما نحب" فيها التزام ل 36 شهر وبعدها بتغدر تغير" الجهاز"...لجهاز جديد برضه مع التزام كمان مره ل 36شهر.. واذا ما عجبك الجهاز.. او اكتشفت انه ما بيناسبك وما بيلبي احتياجاتك بتغدر تنهي الاتفاقية بس لازم تدفع المؤخر...ونصيحه مني ازا انتي مش من زلام الالتزام اتركك من كل هالحديث وخليك على الكرت وعلى قد كرتك مد اجريك..
"هيك لما نحب" بتجبرك تكون رومانسي لأنه عندك 100 دقيقه ببلاش اذا بتحكي بالشهر أكثر من 200 دقيقة وشو بدك تحكي بال300 دقيقه غير انك تصف حكي وبالذات ما بين الساعة 10 بالليل لحد 6 الصبح لانه بهاي الساعت الحكي بيكون ارخص قصدي التسعيره..
"هيك لما نحب" بتحصل على بطاقة تخفيضات في المحلات والشبكات التجارية والمطاعم...وطبعا لما تدخل على شي محل وتظهر بطاقه" هيك لما نحب"- الشخصية والممنوع نقلها من شخص إلى أخر حسب تعريف الشركة- شوف المعاملة الخاصة اللي رح تتلقاها... وخاصه اذا بتبرز بطاقتك بستايل شوفوني شو جايبلكو اليوم...
واللي مش مكتوب في سلكوم هو عن المناطق الخارجة عن نطاق التغطية وعن الغرامات المالية... وهيك ليش ما منحب